Bonn Profa Airgid €10 (Jack B Yeats) 2012

Bhí Jack B. Yeats, a rugadh in 1871, ar dhuine de na daoine ba cháiliúla i stair ealaíne na hÉireann. Mac le John Butler Yeats agus deartháir leis an bhfile mór le rá, William Butler Yeats, tá clú air as a léirithe maoithneacha ar an saol laethúil in Éirinn. Fuair sé oideachas príobháideach i Sligeach, Éire, agus d’fhreastail sé ar scoileanna ealaíne éagsúla i Londain. Bhain a luathshaothar le léaráidí do leabhair agus d’irisleabhair don chuid is mó ach tháinig athrú mór ar a stíl phéinteála níos déanaí. Agus é i mbun peintéireacht ola le stríoca scuaibe scaoilte, thosaigh sé ar phailéad níos ildaite a úsáid agus d’éirigh a shaothair níos scaoilte de réir a chéile agus é ag gluaiseacht i dtreo an eispriseanachais. Lena chuid léirithe ar rásaíocht capall, ar shorcais, hallaí ceoil agus ar thírdhreacha corraitheacha, tugtar léargas iontach ar shaol na hÉireann an tráth sin agus deimhnítear a cháil mar dhuine de na péintéirí ab fhearr in Éirinn riamh. Níos déanaí, bhí se ina ghobharnóir ar Ghailearaí Náisiúnta na hÉireann. Bhásaigh Yeats i mBaile Átha Cliath sa bhliain 1957. Tá ardmheas i gcónaí ar a chuid saothar agus is é an chéad phéintéir as Éirinn é ar díoladh pictiúr leis ar £1 milliún.
 
Tá urraim á tabhairt ag Banc Ceannais na hÉireann do Jack B Yeats le heisiúint theoranta bhonn profa airgid comórtha €10. Tá an bonn profa airgid seo mar chuid den Chlár Eorpach Airgid, tionscnamh bliantúil ina n-eisíonn Ballstáit AE boinn dhlíthairgthe faoi théama coiteann i miotail lómhara mar cheiliúradh ar fhéiniúlacht Eorpach. 'Ealaíontóirí Eorpacha' is