Foireann na Bliana 2021

Foireann na Bliana 2021 Beach Mheala Dhúchasach na hÉireann Le Foireann na Bliana 2021, leagtar béim ar an tábhacht atá leis an mbeach mheala agus léirítear an chaoi inar féidir linn cabhrú lenár gcuid pailneoirí. Bhí laghdú ar fud an domhain ar gach speiceas beach le blianta beaga anuas. Tá “géarchéim bheacha na hÉireann” ann de bharr caillteanas gnáthóg, treisiú talmhaíochta agus úsáid lotnaidicídí. Is údar imní é seo mar gheall ar an ról ríthábhachtach atá acu mar phailneoirí agus an éifeacht uafásach a d’fhéadfadh a bheith ag aon mheath orthu ar an mbithéagsúlacht agus ar tháirgeadh bia. Chun cur ina choinne seo, bhunaigh an tIonad Náisiúnta le Sonraí Bithéagsúlachta Plean Uile-Éireann um Pailneoirí in 2015.

Cuirtear foireann na bliana 2021 i láthair i sparán álainn ar a bhfuil íomhánna ildaite agus téacs eolasach. Beidh teorainn eisiúna 5,000 ag gabháil le Foireann na Bliana 2021. Beidh ainmníochtaí uile bhoinn na hÉireann don bhliain 2021, ó 1 cent go dtí €2, séalaithe laistigh den sparán. Dhéanfadh an fhoireann seo bronntanas álainn nó earra inbhailithe.